學生睇戲 優惠情報 買一送一 + 40蚊戲飛

學生睇戲

學生睇戲 邊度抵?暑假還有一段日子,電影院最近為學生們推出夏日限定優惠,由二人同行一人價錢,至最低每場只須$40!

UA:旺角睇戲減$10 全港IMAX需$99

學生睇戲

由即日起至8月31日,於UA Cine Moko戲院購買星期一至五晚上6時前場次的電影(IMAX戲票除外),即可享港幣$10折扣優惠。以星期二中午12時《與神同行》場次為例,學生戲票正價為$75,享折扣後,每人只須$65。而且於UA Cine Moko小食部出示以上宣傳圖片,購買小食套餐可享港幣$20折扣優惠。

如果喜歡IMAX的話,由即日起至8月22日,學生亦可以$99優惠價,觀看逢星期一至五全日IMAX場次,較原價最高$150慳足$51!

學生睇戲

太古城百老匯:小童、 學生睇戲 低至$40

由即日起至12月19日,於太古城MOViE MOViE Cityplaza可以優惠價$40購買戲票,3D場次亦只須$55(星期一至日任何場次均適用)。現凡購買學生戲票,更可獲贈「買爆谷送細汽水優惠券」。

學生睇戲

The Grand:二人同行 一人價錢

學生睇戲

由即日起至8月31日,於The Grand購買下午12時31分至5時的2D電影場次(星期二除外),學生可享二人同行一人價錢優惠,以《與神同行》為例,學生正價門票為$98,享優惠後每人平均只須$49,非常划算!

善用信用卡 享買一送一優惠

睇戲要搵著數,除了做會員或留意最新限時優惠外,大家仍可以透過信用卡簽賬,儲分換戲飛,甚至享有買一送一優惠。如在百老匯、AMC、PALACE戲院,美國運通信用卡的白金卡、白金信用卡及Charter會員,逢星期四及星期五,購買3D及2D戲票,可享「買一送一」優惠。

主頁:blog.moneysmart.hk