【二手車網比較2026】28Car vs Car8 vs 大昌行 vs Carousell｜P牌仔第一部車攻略

不少剛獲P牌的新手司機 (俗稱「新牌仔 / P牌仔」) 都希望盡快買得人生第一部車，而為了成本效益都會先由二手車入手。本文將介紹一些常用的二手車買賣網，讓新手買車變得輕鬆。

[ms-toc]

28Car：最常用二手車網站

28Car是幾乎每個初次買二手車的人都會聽到的二手車網，認知度非常高。網站分類清晰，主要功能包括私人賣車、車行賣車、汽車收購 (求車庫)、車牌 / 零件出售等。在「私人賣車庫」內，買家可以用籂選器發掘理想車款。28Car提供的車廠牌子相當多，可說冠絕同類服務。不過較明顯的缺點是介面較舊，設計似論壇，閱讀圖片比較困難。

28Car網址：https://www.28car.com/

28 Car 常見行內術語

買二手車有時會遇上行內術語，不明白箇中意思，以下是常見的28car行內術語，助你輕鬆買到二手車心頭好！

出牌/未出牌

一般而言，能夠在路面上行駛的行貨二手車都會是已經出牌。而有時買車時亦可能有未出牌的水貨車，車主則需要先到位於青衣的運輸署車輛檢驗綜合大樓為車輛安排檢驗，並繳交所需的驗車費用。如果順利驗車，之後就需要向海關繳交稅項才能出牌，而收費會則按汽車而異。

13/14年

買車時，可能人留意到有部份車盤於簡評上寫上13/14年，那代表汽車是2013製，2014年首次登記。行內通常會用(數字)/(數字)代表汽車的製造及登記年份。大部分情況下，前後者相差年份普遍不會太遠，但有時候如果看見一些相差較遠的如08/12年份，那很大機會該車日水貨 (外國進口的汽車)。

水貨/水貨Brand New 水貨未必是指未在外國行駛過的全新進口車，有機會曾在外國行駛過。但如果寫的是水貨Brand New，那就是全新。

Price.com：大量二手車行放盤

專門為用家做評測和產品格價的 Price.com 也有二手車網，主要代理車行的二手車銷售。Price.com 的服務並不多，除了在首頁可看到不同車行提供的汽車型號，用家也可在「精選汽車」一欄使用籂選器發掘理想車款。而「汽車商戶分類」就如黃頁指南，助車主搜尋提供汽車保養、驗車、汽車保險、汽車貸款、牌照登記代辦等服務的商戶。

Price 汽車網址：https://car.price.com.hk/

Carousell 二手車專區：最港最大二手買賣平台

Carousell是現時全港最大型的二手買賣平台，而它亦有為二手車買賣特別提供一個專區，主要為私人用戶。Carousell二手車專區的介面相當簡潔易用，買家可以按熱門汽車品牌分類，亦可按車型、價格、車齡等來搜尋心儀汽車。用法上與Carousell一樣，看中車款後便可與賣家對話，預約試車。

Carousell 二手車買賣專區網址

Facebook買賣二手車可直接聯絡車主

除了上述二手車網，其實很多二手車主也會在 Facebook 的 Marketplace 尋車，好處是上面大部分都是私人賣家，可以直接聯絡車主。不過 Facebook 的籂選器相對簡陋，而且每次只可以選一項，分類也較散亂。汽車資料夠不夠詳盡，很視乎車主填得多用心，似乎較適合心中已有理想型號的買家。

網址：Facebook → Marketplace → 車輛

使用美國運通白金信用卡於Shell油站單一簽賬淨值滿HK$450或以上，可獲HK$65簽賬回贈

大昌行提供買賣二手車一條龍服務

大昌行於2004成立，有多年經營二手車交易的經驗，是很多車主推介的二手車行。大昌行主打一條龍服務，包括免費試車、專業驗車、代辦財務、保險、車輛贖會、更改登記等。不過大昌行出售的二手車價格都偏貴，HK$100,000以下的二手車選擇非常少，未必適合資金有限又不想上會的買家。

大昌行網址：https://www.dchucc.com/tc

Car8：易用介面

Car8人氣或不及28Car，但介面就易用得多。Car8以車價先行，網站首頁即有「車價範圍」和「月供價範圍」讓買家籂選，選好後才選車廠、出廠日期、座位、容積和自動波 / 棍波。Car8有一個「汽車追蹤指數」功能，以圖表形式紀錄一些熱門牌子過去一年的銷售數據，包括汽車型號、出產年份、售價等，買家可自行調校參數獲得需要資訊，算是網站的特色。

另一個特色是Car8與 ZA Bank曾合作推出汽車貸款，經Car申請 ZA Bank 貸款有禮品及折扣優惠，現時貸款計劃暫停，詳情有待更新。

Car8網址：https://car8.com/

Buycar.hk：用Big Data計算合理價錢

近年熱門的二手車平台Buycar.hk提供賣車報價服務，對接香港車行。買家只要輸入車款和預算，客服會提供合適車款；賣家上載車輛資料後，會快速獲得報價。平台還有二手車市場數據分析，顯示車款不同年份的平均價格，並推薦不同價格、品牌、型號的熱門車款，包括二手電動車。購買前，可用此功能查詢最新價格，掌握更多資訊。

Buycar.hk網址：https://www.buycar.hk/

新手上會注意事項

不少買車新手也會聽過「上會」一詞，意思是以分期付款方式借貸買車，也有叫「供車會」。不過除非你買數十萬以上的二手車，否則一般上會都是一手車才需要。至於HK$20萬以內二手車，其實一般私人貸款也可幫忙。

想買新車？可留意低息私人貸款

賣二手車之後想買新車？除了上會（汽車貸款）外，各大銀行及財務機構的私人貸款一般較易獲批核，如果借貸人有良好信貸紀錄，利息更加有可能低過一般的汽車貸款。加上迎新獎賞，申請私人貸款買車或會較划算。

如果準車主或車主考慮在稅季買車或換車，亦可以留意稅貸。MoneySmart 致力為你比較不同私人貸款，當稅貸陸續推出，我們會適時更新，令你在需要周轉時有更多選擇。

常見問題 FAQ

Q：28Car 同 Car8 有咩分別？

兩個都係香港常用的二手車網，但定位唔同。28Car 車源最多、牌子選擇最齊，係市場認知度最高的平台，不過介面較舊，圖片瀏覽體驗唔算理想。Car8 介面則現代易用得多，一開頁就可以按車價同月供範圍篩選，仲有「汽車追蹤指數」功能追蹤熱門車款的歷史成交價，對預算有限的新手特別實用。簡單來說：車源多揀28Car，介面易用揀Car8，兩個一齊用效果最好。

Q：買二手車去車行定私人賣家好？

各有優缺，視乎你係咩類型的買家。車行（如大昌行）提供驗車、代辦財務及保險等一條龍服務，車況有一定保證，但價錢普遍較貴，HK$10萬以下的車款選擇極少。私人賣家（透過28Car、Carousell 或 Facebook Marketplace）價錢通常較平，但買家需要自己安排驗車、了解車況，並承擔更多風險。建議：預算充裕、唔想煩就揀車行；預算緊張、自己有一定識車能力或有朋友幫手就可考慮私人盤。無論哪種，買前一定要獨立驗車。

Q：二手車上會係咩意思？

「上會」即係以分期付款方式借貸買車，類似供樓的概念，亦有人叫「供車會」。一般來說，二手車上會係透過汽車貸款（Car Loan）向銀行或財務機構借錢，分期還款，銀行則以車輛作抵押。不過，如果你買的是 HK$20 萬以下的二手車，其實申請普通私人貸款可能更靈活——利率未必輸給汽車貸款，審批亦較快，而且唔需要以車抵押。建議買車前同時比較汽車貸款同私人貸款，揀最划算的方案。

Q：「出牌」同「未出牌」有咩分別？

「出牌」即係車輛已完成香港的正式登記，可以合法在路面行駛。一般在香港購買的行貨二手車都係已出牌。「未出牌」則多數係水貨車（從外國進口），車主需要先將車輛帶到運輸署車輛檢驗綜合大樓（位於青衣）進行驗車，通過後再向海關繳交首次登記稅，稅率按車價計算，由46%至132%不等，費用可以非常可觀。因此，睇到「未出牌」的車盤時，記得先計清楚稅款，唔好只睇車價就以為抵買。

Q：新手 P 牌仔買二手車要注意咩？

有幾點特別重要：第一，預算要計埋稅、驗車費、保險及牌費，唔好淨係睇車價。第二，一定要獨立驗車，唔好只靠賣家或車行的說法，建議搵熟悉汽車的朋友或第三方驗車公司陪同。第三，留意車齡同保養紀錄，行內「13/14年」代表2013年出廠、2014年首次登記，年份差距大的車要小心，隨時係水貨或事故車。第四，P牌仔不能在路面駕駛超過一定排氣量的車輛，買車前確認車款是否符合你的駕駛條件。最後，如需上會，建議同時比較汽車貸款同私人貸款，因為私人貸款有時更划算，仲可能有迎新獎賞。

提示：借定唔借？還得到先好借！

想知道更多理財心得及最新優惠 ，請瀏覽 blog.moneysmart.hk，及追蹤我們的Facebook Page 主頁：www.moneysmart.hk