香港人去越南要申請簽證！除咗富國島，港人去越南其他地方一律要辦簽證，唔理你係去旅行、公司出差定係探親都一樣。呢篇文會將電子簽證、落地簽證、傳統簽證同加急簽證一次過拆解，仲有費用、辦理時間同必備文件比較，等你唔會臨出發先慌失失。
[ms-toc]
⚡ 30秒睇晒文章重點！
- 港人去越南（富國島除外）一律要簽證，越南同香港未有免簽協議
- 電子簽證最方便，US$25起，網上辦，一般3個工作日批出，最長可住90日
- 持BNO護照（無香港特區護照）唔可以申請電子簽證，要揀落地簽或傳統簽證
- 落地簽證分兩步：先網上攞「批准函」，再喺機場貼籤，適合臨時出發
- 傳統簽證要親身去越南駐港領事館，通關最穩陣，但要5-7個工作日
- 富國島免簽最多住30日，但唔可以順道去河內、峴港等其他城市
香港人去越南，一定要辦簽證？
要。持香港特區護照嘅旅客，無論係去旅行、公司出差或者探親，入境越南（富國島除外）一律要提前搞掂簽證。越南政府暫時未有同香港簽訂免簽協議，所以「話去就去」呢招喺越南唔work。
越南免簽證例外：富國島可免簽30日
要留意，富國島免簽淨係適用於嗰個島。如果你行程仲有河內、胡志明市或峴港，就算符合富國島免簽條件，都要提前申請越南簽證，唔然可能入唔到境。
如果你淨係有BNO（無香港特區護照），電子簽證系統嘅國籍選項入面搵唔到BNO，所以無法直接申請。建議揀落地簽證（要靠旅行社/中介攞批准函）或者親身去越南駐港領事館辦傳統簽證，會穩陣啲。
越南簽證4種申請方式一覽（2026年最新費用+時間）
越南電子簽證｜申請教學及步驟
電子簽證係目前港人最常用嘅方式，全程網上辦理，唔用寄護照，批出後自己彩色列印就得。適合行程已經確定、想慳錢又唔急住出發嘅自由行旅客。
申請前要準備嘅文件
- 護照正本（有效期最少6個月，並要有最少2頁連續空白頁）
- 護照資料頁電子檔（清晰彩色掃描，JPG/JPEG）
- 白底4×6cm電子證件相（正面免冠、無陰影）
- 越南逗留期間嘅臨時地址（酒店/民宿都得）
- 預計出入境嗰個越南口岸名稱
電子簽證6步申請教學
- 進入越南官方電子簽證網站 evisa.gov.vn
- 撳「Apply Now」，上傳護照資料頁同電子相
- 填個人資料（姓名、出生日期、護照號碼）
- 核對資料後，網上過數繳費（支援Visa/Master/JCB）
- 等審批（約3個工作日），可上網查進度
- 彩色列印電子簽證，入境時同護照一齊出示
事項 | 費用 |
|---|---|
單次入境 | US$25 |
多次入境 | US$50 |
審批時間 | 約3個工作日（唔計週末、假期） |
越南落地簽證｜申請教學及步驟
落地簽證要先網上靠中介攞「批准函」，抵達越南指定機場後先去落地簽櫃位貼籤。適合電子簽證申請失敗、又或者臨時要飛嘅情況。
出發前：網上攞批准函
- 揀信譽好嘅越南簽證中介
- 提交個人資料、護照掃描檔同電子相
- 付中介服務費（US$6-20）
- 約2-7個工作日後收到電郵批准函，彩色列印備用
抵埗機場後：辦落地簽
- 去機場「Visa on Arrival」櫃位（通常喺入境檢查前）
- 交批准函、護照、2張相同申請表
- 繳US$25簽證費（只收美元現金，記得帶剛好嘅金額）
- 等職員審核貼籤（大約30分鐘至2小時，視乎人流）
提提大家，落地簽證淨係喺指定國際機場先可以辦，唔適用陸路或海路口岸。時間預算方面，建議預留額外1.5至2小時處理手續，唔想因為呢個原因誤機就要早啲去機場。
未買旅遊保險？網上投保可享保費折扣！
保費
HK$176.40
- 海外醫療保障
- HK$1,000,000
- 行程取消保障
- HK$30,000
- 行李遺失/損壞保障
- HK$10,000
- 保費保費
HK$29440% 折扣 - HK$176.40
🌴【Moneysmart 暑假限定70,000里賞】
於7月2日至8月2日期間，凡透過 MoneySmart 成功購買 指定旅遊保險計劃並投保額滿 HK$150，並回答創意問題及成功提交獎賞換領表格，MoneySmart將選出10位最有創意的參與者，贏家即有機會贏取 7,000「亞洲萬里通」里數，等同單程台灣機票！（由14,000 SmartPoints自動轉換並直接存入國泰會員賬戶）
🎁【所有客戶可選】
- AIRSIM HK$20 旅遊 SIM 儲值卡 ^ 或
- AIRSIMe eSIM * 或
- Bowtie VHIS 首年保費 4 折並包括全面牙科服務一次^^
保費
HK$185.40
- 海外醫療費用
- HK$1,500,000
- 行程取消保障
- HK$20,000
- 行李遺失/損壞保障
- HK$15,000
- 保費保費
HK$30940% 折扣 - HK$185.40
【🌴Moneysmart 暑假限定70,000里賞】
於7月2日至8月2日期間，凡透過 MoneySmart 成功購買 指定旅遊保險計劃並投保額滿 HK$150，並回答創意問題及成功提交獎賞換領表格，MoneySmart將選出10位最有創意的參與者，贏家即有機會贏取 7,000「亞洲萬里通」里數，等同單程台灣機票！（由14,000 SmartPoints自動轉換並直接存入國泰會員賬戶）
🎁【所有客戶可選】
- AIRSIM HK$20 旅遊 SIM 儲值卡 ^ 或
- AIRSIMe eSIM * 或
- Bowtie VHIS 首年保費 4 折並包括全面牙科服務一次^^
保費
HK$275.60
- 海外醫療費用
- HK$500,000
- 行程取消保障
- HK$25,000
- 行李遺失/損壞保障
- HK$8,000
- 保費保費
HK$42435% 折扣 - HK$275.60
越南傳統簽證（領事館辦理）｜申請教學
傳統簽證由越南駐香港總領事館直接簽發，簽證貼紙直接貼喺護照，入境時唔用額外手續，適合商務人士、要長期逗留，或者BNO持有人。
申請文件
- 香港特區護照正本（有效期6個月以上，2頁空白頁）
- 白底4×6cm彩色實體相×2張
- 簽證申請表（領事館現場攞）
- 簽證費用（現金或銀行本票）
- 已填妥回郵信封（郵寄領取先需要）
越南駐香港總領事館資料
越南緊急簽證點申請？最快1小時攞到
緊急簽證唔係官方簽證類型，係中介提供嘅加急代辦服務，可以幫你將電子簽證、落地簽證或傳統簽證加快處理，適合24至72小時內就要飛嘅情況。
申請越南簽證5大貼士，唔想被拒批要留意
1. 認清官方網站，唔好中伏
官方電子簽證網站係evisa.gov.vn（.gov.vn結尾）。見到.com、.org、.net結尾嘅「仿官網」就要小心，呢啲可能亂收手續費甚至盜取個人資料。
2. 相片規格要跟足，係退件主因
3. 護照要求：6個月有效期+2頁空白頁
唔理揀邊種簽證，護照有效期都要由入境日起計最少6個月，並且要有最少2頁連續空白頁，用嚟貼簽證或者蓋入境章。
4. 落地簽記得帶美元現金
機場落地簽櫃位只收美元紙幣，唔收港元或者信用卡。建議帶剛好US$25，紙幣要乾淨無破損，舊鈔或者皺鈔有機會被拒收。
5. 電子簽證要列印紙本，唔好淨係出示電話
越南部分口岸海關唔接受手機出示電子檔，建議用A4紙彩色列印簽證PDF，同護照一齊放。出發前記得將電子檔備份去電郵，以防紙本唔見咗。
越南簽證常見問題
電子簽證填錯資料（例如姓名、護照號碼），可以更改嗎？
電子簽證一經提交同繳費，官方系統一般唔設修改功能。姓名拼寫、護照號碼或者出生日期填錯，通常都要重新交過一份新申請，舊申請嘅費用亦唔會退。建議送出之前逐項核對清楚，尤其係姓名同護照號碼呢兩項。
小朋友/BB去越南，需要獨立辦理簽證嗎？
需要。越南簽證係跟護照嚴格對應，就算小朋友或者BB用自己嗰本護照，都要獨立申請簽證，唔可以夾埋喺父母嘅簽證入面。如果小朋友有自己嘅特區護照電子相，申請流程同大人一樣，記得將小朋友嘅相都要跟足4×6cm白底嘅規格。
電子簽證申請被拒，可以重新申請或者退錢嗎？
被拒嘅話可以重新遞交申請，但要留意原本嗰次嘅簽證費一般唔會退還，等於要再交一次錢。常見被拒原因包括相片唔符合規格、資料同護照唔一致，或者護照有效期唔夠。建議搞清楚被拒原因先重交，唔想又白付一次錢。
MoneySmart 為你一站式比較不同理財產品。想知道更多理財心得及最新優惠 ，請瀏覽 blog.moneysmart.hk，及追蹤我們的 Facebook Page
主頁：www.moneysmart.hk
延伸閱讀：
▲ 比較及分析最佳私人貸款，找出最適合自己的計劃，輕鬆應付不同需要。▲ 因傷殘而無法正常生活，可申請津貼幫補。
▲ 提供室外BBQ服務的Party Room收費及設備一覽。
