夏天想避暑,或者周末心思思想去滑雪,但又無長假飛日本、韓國?其實近近地留喺大灣區都可以過下「雪癮」!小編知道最近好多人北上玩,但深圳嘅滑雪場一到周末就人頭湧湧,所以今次特意避開人潮,幫大家精選咗廣州同珠海嘅人氣室內滑雪場同冰雪樂園!
編按:小編早前整理了【深圳室內滑雪場】的推介,因為深圳的室內滑雪場數量較多,因此特別與廣州和珠海的滑雪場分開介紹。
[ms-toc]
珠海/廣州滑雪場門票價錢整理
| 珠海/廣州滑雪場 | 主要門票類型 | 參考價格 |
| 珠海萬雪匯冰雪樂園 | 2小時娛雪票 | 約 HK$ 129 |
| 3小時滑雪票 | 約 HK$ 216 | |
| 不限時滑雪票 | 約 HK$ 282 | |
| 廣州融創雪世界(熱雪奇蹟) | 2小時娛雪票 | 約 RMB 298 (旺季) |
| 3小時初級道滑雪票 | 約 RMB 318 – 398 (平季) | |
| 廣州正佳企鵝冰雪世界 | 單館門票 | 約 RMB 98 起 / HK$ 182起 |
| 雙館聯票 | 約 HK$ 228 起 | |
| 珠海毛林金灣酒店冰雪運動城 | 單買大人門票 | 約 RMB 222 |
| 1晚住宿雙人套票 | 約 HK$ 1,017 起 |
*聲明:以上資訊僅供參考,實際價格可能會有波動,詳情請以官網公布作準。
1. 珠海萬雪匯冰雪樂園 ❄️ 華南冰雪新王國
呢度可以話係近期大熱嘅 珠海滑雪場!「萬雪匯」擁有190米長嘅雙向滑雪道,加埋足足3000平方米嘅沉浸式娛雪區,每小時仲會有定時飄雪,浪漫到極,打卡絕對一流!就算你完全唔識滑雪都唔緊要,入面有冰雕迷宮、雪地香蕉船等十幾項設施,最啱成班Friend或者一家大細去放電。重點係全套專業裝備包晒,兩手揈揈去就得,性價比極高!
- 📍 地址: 珠海市香洲區珠海大道1333號(南屏科技工業園南側)
- ⏰ 開放時間: 10:00 – 22:00(21:00最後入場)
💸 門票類型及參考價錢 (註:票價會隨淡旺季及購票平台浮動,以下為參考起步價)
| 門票類型 | 參考價錢 (約HK$) |
| 2小時娛雪票 | $129起 |
| 3小時滑雪票 | $216起 |
| 不限時滑雪票 (含裝備) | $282起 |
編按:好多網民喺網上搵資料嗰陣,經常會睇到「南屏萬雪匯」呢個名。其實佢同上面介紹嘅「珠海萬雪匯冰雪樂園」係同一個地方嚟㗎!因為樂園正正位於珠海香洲區嘅「南屏鎮」,所以網上先有呢個別稱流傳。大家買飛或者搭的士搵路嗰陣,認住同一個地址就唔會搞錯啦!
2. 廣州融創雪世界(廣州熱雪奇蹟) 🏂 專業級滑雪殿堂
講起 廣州 融 創 滑雪,相信大家都唔陌生!呢度可以話係大灣區數一數二、規模最大嘅專業級室內滑雪場。場內分咗初、中、高級唔同難度嘅雪道,無論你係滑雪新手想搵教練上堂,定係滑雪老手想練花式,呢度都絕對滿足到你。除咗滑雪區,仲有超級好玩嘅「冰凍星球」娛雪區,設施超級完善,玩足全日都唔會悶!
- 📍 地址: 廣州市花都區鳳凰北路78號融創文旅城
- ⏰ 開放時間: 10:00 – 21:00(營業時間會按平假日有所調整,建議出發前於官網確認)
💸 門票類型及參考價錢
| 門票類型 | 參考價錢 (約HK$) |
| 2小時娛雪票 | $276起 |
| 3小時初/中級滑雪票 | $441起 |
| 不限雪道不限時滑雪票 | $647起 |
3. 廣州正佳企鵝冰雪世界 🐧 鬧市中的冰雪奇緣
如果你想搵一個交通最方便,又最啱小朋友嘅玩雪聖地,正佳企鵝冰雪世界就啱晒你!佢隱藏喺廣州市中心嘅正佳廣場入面,行完街食完飯就可以直落玩雪。最破格嘅係,入面真係有真・企鵝同你一齊玩!場內有多款精緻冰雕同冰雪滑梯,感覺就好似走咗入童話世界咁,絕對係周末親子遊嘅不二之選。
- 📍 地址: 廣州市天河區天河路228號正佳廣場7樓
- ⏰ 開放時間: 11:00 – 20:00(平日);10:00 – 22:00(周末及公眾假期)
💸 門票類型及參考價錢
| 門票類型 | 參考價錢 (約HK$) |
| 小童門票 | $44起 |
| 成人門票 | $182起 |
| 1大1小親子套票 | $274起 |
4. 珠海毛林金灣酒店冰雪運動城 🏨 歎住冷氣度假之選
想過一個最Chill嘅周末,最高境界當然係「玩、住」一Take過!珠海毛林金灣大酒店入面,居然自帶一個佔地約6000平方米嘅冰雪運動城!入面除咗有大型真冰溜冰場同冰雪滑道,仲可以玩堆雪人同打雪仗。住完靚酒店,第二朝食個靚早餐,行落樓下就可以直闖雪國,啱晒唔想周圍頻撲嘅佛系玩家!
- 📍 地址: 珠海市金灣區金河東路577號毛林金灣大酒店1樓
- ⏰ 開放時間: 10:00 – 21:00(具體時間以酒店實際公佈為準)
💸 門票類型及參考價錢
| 門票類型 | 參考價錢 (約HK$) |
| 小童門票 | $115起 |
| 成人門票 | $208起 |
廣州/珠海滑雪交通與過關小貼士
前往廣州融創滑雪或珠海的各大冰雪樂園,現時的交通方式已經非常完善:
- 前往珠海:現時最熱門且最快捷的選擇是經「港珠澳大橋」前往。從香港市區乘坐金巴過橋,抵達珠海口岸後,只需轉乘短途的士或內地網約車,大約十多二十分鐘即可迅速抵達市區內的滑雪場,省時又直接。
- 前往廣州:高鐵絕對是最佳選擇。從香港西九龍站出發,可以直達廣州南站、廣州東站甚至是廣州北站。抵達後再轉乘廣州地鐵或網約車前往目的地。
- 必備App:建議提早下載內地的導航地圖(如高德地圖、百度地圖)及叫車軟件(如滴滴出行),並綁定好微信支付或支付寶等電子支付工具,確保北上行程暢通無阻
內地滑雪必備銀聯卡
MoneySmart 為你一站式比較各類金融產品,助你找出最佳選擇。想知道更多理財心得及最新優惠 ,請瀏覽 blog.moneysmart.hk,及追蹤我們的Facebook Page、Instagram、Telegram、WhatsApp、Threads



.png)
.jpg)




