男人無錢 可以拍拖嗎？
拜年時受姨媽姑姐打擊，吹噓她們兒子月入$50,000開寶馬，繼而問你：「乜你仲未有拖拍呀？」。那一刻，自信可謂跌至人生低點。
唔通真係 男人無錢 無車無樓，情場等同「輸咗半」？不少港男條件其實很好，但或因為「無錢」而自卑，甚至認為拍拖是「這些機會不是屬於我的」，其實學達哥口吻說句：「邊個話無錢唔可以拍拖㗎！」。很多男士常因以下3個理由而不敢拍拖，接下來就為大家解釋，其實它們均不是理由。
1.拍拖洗費 唔夠錢俾？
大家說拍拖愈來愈貴，兩個人睇戲要$200，晚餐食普通西餐要$400，如果一個月睇兩套戲，食5次晚飯，總計開支$2,400。如計及節日消費，如情人節送花，晚飯到米芝蓮餐廳慶祝兼打卡上網放閃，開支之大，真的如阿源金句：「不要再說了！」。
港女消費高？ 純屬個別例子
曾聽過某人女友是100％港女，拍拖食飯非高級餐廳不去，每月需男友貢獻名牌手袋一個，日常使費如交通、化妝護膚品全由男方負責，但男方月入只有$20,000多，養得起女友，就養不起自己，但幸好這只是個別案例，並不代表所有女性如此。所以，男士們別因每年於電視真人騷或社交媒體上出現的「有樓有高潮」女士，而影響大家對拍拖的看法。
旅遊有窮遊，拍拖亦有窮拍。其實，很多情侶拍拖均開支很低，如踩單車、去郊外看隱世風景、到商場涼冷氣。飲食方面，平有平食，網民都有講：「男人一生，只為尋覓一個肯同自己挨麥記嘅女人」，找到一個不需餐餐Fine Dining的女友，其實已慳很多。
男人俾錢係應份？
另外，男士亦不應有「拍拖開支一定由男方俾晒」的想法，筆者身邊不少情侶，均按彼此經濟能力AA制或「一人俾一次」。當然，如遇上認為拍拖需由男生全權付費的港女，大家不用煩惱，只需立即分手止蝕即可。
2 .男人無錢 女仔嫌棄？
女士經常講：「男人唔可以窮，但一定要有上進心。」 所謂上進心，男士往視為有錢。其實女人嫌棄的，是男人對兩個人的未來生活從沒積極規劃，無理財觀念。拍拖數年後，仍沒打算為結婚儲蓄，只希望過一日，算一日。花錢又不經思考，全拿去課金買Game。反過來說，如果女生同樣每月都買名牌及High Tea，用盡份糧，男生都會同樣感害怕吧。
3.拍到拖 都無錢結婚？
結婚的前提，就是二人要每月定下儲蓄計劃，我們以一名月入$15,000的打工仔開支計算：
| 家用 | ＄5,000 |
| 交通費 | ＄1,000 |
| 伙食費 | ＄2,500 |
| 電話費、信用卡及其他娛樂消遣雜費 | ＄1,500 |
| 總開支 | ＄10,000 |
上表可見，每月剩餘約$5,000元，假設你們已打算結婚，拍拖開支自會減少。假設一個月拍拖人均開支$1,000（跟女生AA制），每月即可儲$4,000元，一年可儲$48,000。假設二人開支及收入相近，兩個人一年即可儲到約10萬，計及升職加薪，不去旅行，5年內儲50多萬絕對不是夢。
結婚平有平攪，大家不妨可參考《旅行結婚 6招慳大錢》。如果想以最少錢結婚？直接在香港註冊後，然後於酒樓簡單兩家人吃餐飯，幾千元內絕對搞掂。
說到底，找對另一半，自會為你荷包慳。打算與你結婚的，更會為未來幸福改變消費習慣。所以男士們，別再覺得窮，就不值得提及拍拖。祝各位男士在今年，盡快找到真愛。
延伸閱讀：
開聯名戶口 3個好處更了解枕邊人
想追女僕 平均成本要幾多？3千得唔得？
求稿！
各位朋友，MoneySmart誠邀大家投稿，分享生活上的理財、投資技巧及慳錢小智慧。你的寶貴經驗將會為更多人帶來啟發，所以請盡情寫出來吧！來稿字數600字或以上，附上文章相關圖片或圖表更佳，投稿請電郵至：[email protected] 。
無論你想分享交流理財心得，還是立志成為理財KOL，毋須猶豫，馬上投稿吧！