百佳 的網上超市優惠多，還是惠康的網上超市優惠多？世界盃將開鑼，作為球迷，自必約齊朋友「隊住啤酒，食住花生」睇波！要大手掃貨買零食，當然要用盡超市優惠慳錢。經MoneySmart比較發現，原來到超市掃貨，在超市的網店購買較實體店抵。當中，於百佳網店購買，更可享$350回贈！
百佳網店現進行父親節星期六獻禮，配合Tap & Go及星期六送貨優惠，只需消費滿$600，除可享免費送貨外，更可獲贈免費紐西蘭蘋果，再加上Tap & Go $250回贈及$100電子優惠券，總共即賺$350回贈，變相半價！相反惠康網店除跟實體店一樣，以恒生enJoy Card單一簽賬滿$500，享$40回贈外，則沒有其他優惠。
除了超級市場以外，零食網零食大王亦為世界盃提供限定優惠，由即日起至7月15日，買滿$488，再輸入電子優惠碼worldcupLS2018，即享減$50優惠。
百佳 睇波零食包 較散買抵
應世界盃熱潮，百佳更於網店推出低至$99起的「激抵雜貨包」，套裝包括各國飲品及零食，價錢看似非常划算，實則又可以省下多少錢呢？小編抽選當中兩款的「激抵雜貨包」，計計當中貨品如以「散買」方式購買，總開支多少。結果發現同一批貨品，以「激抵雜貨包」方式購買，分別可慳17至32元（見下表），如果再配合以上提到的網店優惠，便可以慳得更多。
超市掃貨用卡 享8倍積分
除了世盃期間會到超市掃貨外，其實平日亦需購買日用品及柴米油鹽，如果懂得運用信用卡優惠或回贈，可以節省不少！以Citi Rewards信用卡平日簽賬，HK$1=1分（即HK$15/里），但於本地超市、百貨公司及電訊公司簽賬，就會有5倍積分（即HK$3/里），積分也可以兌換超市禮券，所以適合經常去超市掃貨的人使用。生日月份積分還有額外3倍積分，合共8倍，兌換里數的話，即$1.875/里，且積分沒有限期，可慢慢儲。
如果平日常到百佳及屈臣氏購物，可考慮DBS Compass Visa。每月2、12及22日到百佳及單一簽賬滿$100，即享92折優惠；而每月5，15及25日去屈臣氏，單一簽賬滿$500亦有92折。
延伸閱讀：
求稿！
各位朋友，MoneySmart誠邀大家投稿，分享生活上的理財、投資技巧及慳錢小智慧。你的寶貴經驗將會為更多人帶來啟發，所以請盡情寫出來吧！來稿字數600字或以上，附上文章相關圖片或圖表更佳，投稿請電郵至：[email protected] 。
無論你想分享交流理財心得，還是立志成為理財KOL，毋須猶豫，馬上投稿吧！