坐巴士去澳門 好唔好？近日交通服務營運商「港澳1號」推出來往港澳的巴士服務，每日38班，即來回19次。計及過關時間，每程約需時1小時45分。巴士從觀塘APM出發，價格暫定為170元（早上6時至下午6時）及190元（下午6時至早上6時），較平日日間的標準艙船票便宜1元。奈何，網民均不看好「港澳1號」，指出多個缺點，甚至狠評「等執笠」。
1.「過關又要落車，仲要等全村人先開車」
官方表示，計及過關時間，預計每程需時1小時45分，但有網民質疑，需等待整車53個人過關才開車，如果同車乘客有人拿護照，過關時間會更長。預計只是過關已需要40分鐘，故寧願坐船，可自己預算時間，而且選擇較為彈性及鬆動。
2.「繁忙時間觀塘塞車，一定唔止105分鐘」
「港澳1號」由觀塘APM出發，途經紅磡火車站，再經港珠澳大橋抵達澳門半島及氹仔。不少居於觀塘的居民均知，觀塘道於繁忙時間經常塞車，連同塞車熱點龍翔道、東九龍走廊及紅隧，隨時令車程增加最少30分鐘，故總計最少花2小時，才可以從觀塘到達澳門。即使不計塞車時間，車程亦比約70分鐘的船程為長，網民笑指：「唔會為咗慳1蚊，蝕一倍時間！」
3.「坐長途車無廁所，傻的嗎？」
「港澳1號」車上設有免費WiFi服務，雙人座位亦會配備USB充電裝置，但車上並未設有廁所，車程最基本1小時45分鐘，未連同塞車時間，中間亦沒有設休息站，如果人有三急，便無法解決了。
4.「車費一定貴過船，船票仲有優惠」
「港澳1號」的車票價格暫定由$170至$190不等，價格較正價船票為便宜，但若內地政府調高路費，車票則會相應加價至$200至$220，屆時車票價格將比船票貴。有網民亦指，若善用船公司提供的優惠，坐船絕對比直通車更划算，經MoneySmart計算後，發現隨時可便宜高達數十元，詳細價格比較可參考《過澳門 坐巴士定船抵？船公司優惠係關鍵！》。
MoneySmart博客：https://blog.moneysmart.hk/
延伸閱讀：
求稿！
各位朋友，MoneySmart誠邀大家投稿，分享生活上的理財、投資技巧及慳錢小智慧。你的寶貴經驗將會為更多人帶來啟發，所以請盡情寫出來吧！來稿字數600字或以上，附上文章相關圖片或圖表更佳，投稿請電郵至：[email protected] 。