慳錢消費 是理財的重要法則，但一些實行上的方法，在香港可能沒問題，惟因文化差異，離開香港，往往就成為他國者眼中的奇怪行為。
每有後輩或相識遊日，小編總提醒兩點，一就是不要認為在日本，所有人不懂聽廣東話。不要用廣東話在日本街頭罵人，第二就是尊重當地店舖的飲食消費文化。即是指盡量不要入店舖就坐後，因見沒有東西合口味便離開，又或當店家要求叫餐需一人一份時，就不要兩人一份，一齊Share。
Menu無啱食 即走人
小編明白，不少香港人均為慳錢或不想浪費才有此舉動，甚至認為在香港有如此行為，也不是甚麼大問題「做乜無嘢好食，我仲要俾錢佢賺？」「我又想試，但真係食唔晒！況且一份兩個人食，都幾抵呀！又唔洗浪費。」但如此文化，並不是所有日本人均接受到。
有朋友分享過如此經歷，某次他在大阪某食店用餐，店內亦有不少香港人。期間，一位香港女士與丈夫入席後，在侍應放好清水及餐具，準備為這對夫婦落單時，太太因見MENU不合口味，於是便與丈夫離去，當時哪位少女侍應簡直呆了，一時間不懂應對。同場香港人亦竊竊私語。當然，這還不是最爆。
一份任食餐 兩個人Share
小編曾見過有網友分享：「我見過更過份的，有次去間沾麵店有得應客人要求，免費加倍麵條份量。有對香港男女叫一碗要加倍麵條，然後就一碗麵兩個人Share，當住師傅面前咁做，個師傅投向呢對男女的目光係久久不能移開。人家一番善意為客人著想提供方便，但就被人利用走精面揾著數。」
慳錢消費 搵食 日本點實行？
其實，遊日本，想在食方面慳錢有甚麼方法呢？教大家3招：
早餐方面，大家訂酒店時，可留意酒店會否提供「朝食」（早餐）及其價錢，然後再仔細格價。如不在酒店食早餐，則可到附近便利店買飯團充飢或松屋食早飯。
午餐方面，如森美大哥所講，出名食店的午餐收費往較晚市便宜，所以如想以最抵價錢去品嚐最貴美食，一定是趁午飯時間去吃。
晚餐方面，可到一些街坊商店街，購入一些已煮好的食物，又或在晚上7時後，到各大百貨公司地下超市部，搶購特價食品。
善用信用卡 賺盡里數
而且消費的過程中，大家亦可以善用以下3張信用卡賺盡里數：
滙豐Visa Signature卡海外簽賬享14倍獎賞，「最紅網上及海外簽賬獎賞」亦有全年額外5倍獎賞錢，變相只需$1.79/里；
DBS Black World Mastercard海外簽賬$4/里；渣打亞洲萬里通萬事達卡則有$4/里。
想知哪張信用卡外幣簽賬最抵？即上MoneySmart比較，找出最適合你的回贈信用卡！
延伸閱讀：
唔買Pass 東京JR票點買？
東京主題公園 買平飛 Klook Vs KKday 比較
求稿！
各位朋友，MoneySmart誠邀大家投稿，分享生活上的理財、投資技巧及慳錢小智慧。你的寶貴經驗將會為更多人帶來啟發，所以請盡情寫出來吧！來稿字數600字或以上，附上文章相關圖片或圖表更佳，投稿請電郵至：[email protected] 。
無論你想分享交流理財心得，還是立志成為理財KOL，毋須猶豫，馬上投稿吧！