夾公仔 是不少香港人到日本旅行時，主要的旅行活動。有人很幸運，第一次出手，已可成功奪得心頭好。有人即使努力10多次，最終仍然食白果。哪對於夾公仔的門外漢來說，有甚麼方法可提升夾公仔的成功率呢？接下來小編即為大家分享。
第一：睇機械爪有無力？何時無力？
想要夾公仔成功，小編的一位朋友曾表示：「你一係就睇人哋玩一鋪先，一係你自己玩一鋪！」過程中，大家需留意夾起公仔的機械臂究竟有沒有力，或機械臂去到哪一個位，會突然乏力，放輕手腳，令大家夾到的公仔下墜。
何謂一隻「有力」的機械爪呢？情況就如同電影《白面包青天》中，豹頭對著包龍星說：「我全部都要哂！」時，他那隻手所做出的動作。至於沒力的爪子，當然只會在半空中吊吊揈（條條Fing）。
「你手指唔發力 又點拎起個蘋果呢？」
「有啲爪，由開始遙控到夾個刻，只要你細心留意一下，就會發現佢可能係一直都無力（無發力）！你諗諗，你如果拎起一個蘋果，但手指唔發力抓住，你又點拎得起呢！喱個就係重點。個爪如果無力，即使夾得起重嘢，都會好快跌番落去！」
朋友更說，有些機械臂的爪，更會在拉起公仔到一定高度後，突然輕輕「放軟手腳」，那大家的戰利品即會墮地。
第二：店內多舊款公仔 暗示成功率偏低
如果大家是經常到日本的話，亦可留意夾公仔店內，有否新貨。「喺大阪！有啲夾公仔舖會定期返新貨，佢哋為咗散舊貨，會將公仔機調校到很易被人夾到。所以，如果你經常到日本，見到間舖啲公仔，仲係上一水貨，呢個就證明，呢間舖啲公仔難夾。」
此外，夾公仔的成功之處，亦很考大家的視覺判斷。「有時你以為個爪已經去到公仔上方，於是你放個爪落去，先發覺原來離公仔有一段距離，呢個就係判斷失準啦！所以夾公仔，有時唔單止要直望，更要左望望，右望望！」
直接二手店買 可能平過 夾公仔
當然，如果是精明冷靜的大家，亦可試試到日本當地的二手玩具店巡一巡，看看有沒有自己的心頭好。「我記得有次見到有個男仔花咗8,000日圓（約560港元）先夾到一隻路飛公仔，但我轉頭喺間賣二手玩具嘅舖頭，見到個隻公仔只係賣2,200日圓（約154港元）」朋友說。
延伸閱讀：
