的士 你今日有坐嗎？今日港鐵於繁忙時間多線故障，適逢部分地區有雨，因而令地鐵站，巴士站，以致港島的電車站，均排滿長長人龍。個別地鐵站更實行人流管制，令不少打工仔想進入地鐵站也進不到。於是，不少人希望轉坐的士。奈何當大家想截的士時，均發現很多的士均向乘客出示紅牌，拒絕載客，何解呢？小編在乘坐的士回公司時，亦曾詢問過司機。
原因一：乘客電話Call車 主動加150蚊搶車
首先司機表示，現今科技發達，面對港鐵故障，不少人都會用手機應用程式或「打上台」Call的士。而小編在坐乘的士時，亦不停聽到的士Call台報價。「去將軍澳加$10，入元朗加$20，落北角加$30。」
於是小編問司機：「師傅，想問你成朝聽到，最高有人出幾錢截的士呢？」
司機聽後即表示：「$150，個客住山頂！$100都有」「你無計啦，今日地鐵壞車，啲客人人都主動加價搶車返工，我就唔做呢啲嘅，喺街見到乜客就做，唔係你都上唔到我㗎車，我諗你都等咗半個鐘啦！」
小編聽後，只是哈哈一笑：「係呀，我其實等咗都好耐，係有的士，但架架好似球證咁，舉晒紅牌！」
原因二：乘客路邊截拒載 的士 主動加價搶車
司機聽後，搖搖頭道：「個啲其實冚旗等大魚，你而家都聽到個台有人不停加價搶車，佢未等囉。通常有啲客，係有經驗嘅，即使見到㗎的士冚旗，都會打開車門問個司機：『師傅，加50蚊，去邊度邊度，順唔順路。』通常個司機覺得ok又順路，都會做呢單生意！」
然後司機又道：「咁當然要順路啦，好似我有次喺銅鑼灣冚旗番東區，有個客開門問我落唔落中環，我話我番東區呀，然後佢同我講：『咁你車完我去中環，未返東區囉！』所以我成日話，香港乜嘢怪人都有！」
延伸閱讀：
求稿！
各位朋友，MoneySmart誠邀大家投稿，分享生活上的理財、投資技巧及慳錢小智慧。你的寶貴經驗將會為更多人帶來啟發，所以請盡情寫出來吧！來稿字數600字或以上，附上文章相關圖片或圖表更佳，投稿請電郵至：[email protected] 。
無論你想分享交流理財心得，還是立志成為理財KOL，毋須猶豫，馬上投稿吧！