家用應畀幾多？一畢業阿媽要求畀萬蚊大家點睇？

家用俾幾多先叫合理？又到畢業生搵工季節，作為職場新人，應該支付多少家用呢？有準畢業生近日於連登討論區開Post大呻，自己未畢業，已被媽媽要求畢業後每月俾$10,000家用，立時深感壓力。有網民見到分享後，認為事主父母市儈，甚至形容支付家用如同一場「貿易戰」，要用點「腦力」才能跟父母達成共識。

網民：一皮嘢出去食仲平

該名準畢業生指，雖然自己下年才畢業，但媽媽已要求他畢業後，每月需付$10,000作家用，更指，如果「唔俾家用就以後唔好返去食飯」，有網民見後則笑言：「唔返咪唔返，一皮嘢出去食仲平」。

同時，亦有網民認為事主父母貪心，眼中只有錢，又指作為初入職場的打工仔，薪金多只有約萬元，如每月扣除家用、償還讀書貸款及支付基本生活開支後，基本上不可能有儲蓄，故認為樓主母親要求$10,000家用，實在太苛刻。

另外，亦有網民認為家用數量多少，應按父母對子女供書教學的花費而定。假設父母供養子女就讀國際學校、付錢上興趣班、不時帶同旅遊、打算將自住物業留給子女，作為孝子孝女，便應支付更多家用，以感謝父母栽培。

家用爭論常有宜量力而為

上一輩普遍把生兒育女視為一種另類「投資」，但「養兒防老」這一概念，往令新一代年輕人感到壓力。談起家用這回事，總會有兩派人持不同意見。有人認為繳付家用之目的，是為了答謝父母多年供書教學，同時父母亦可以為子女將來結婚，多儲一個錢；亦有人認為支付家用時，需按個人經濟能力而定。如跟家人同住，只要繳付所需的水電煤、租金、伙食費等等即可。這樣，個人儲蓄計劃自可實行，亦毋須父母操心。

依薪金比例支付更具彈性

作為子女，有能力撐起頭家當然開心，但不希望成為別人口中的「提款機」亦情有可原。有網民便建議，家用支付多少，應有一個指定的比例計算，例如每月家用為薪金的四分之一，家用將隨薪金調整而有升跌，以避免父母制定一個不合理的金額，加重個人負擔。

說到底，支付家用這個行為「即使而家無，但將來會有！」，既然是免不了的道德責任，大家又何不換一個角度，令大家可支付家用的同時，賺取積分及回贈。

畀家用順便賺盡里數回贈

現時，不少電子錢包都有 P2P轉賬功能，如大家善用此功能支付家用，便能同時賺取里數或回贈！以Payme為例，即使父母沒有安裝或不懂使用PayMe，大家亦可即時過數到個人戶口提取現金，再交予雙親，每月增值額上限HK$5,000。以每月$5,000家用為例，以建行(亞洲) eye卡增值PayMe作網上簽賬，可賺取5倍積分，即HK$3/里或2%回贈，即賺1,666里或$100回贈。