機票 出事系列！近年廉價機票不時出現，令不少年青人未請假，已買機票，訂酒店及旅遊保險，到日本台灣。當然有人順利出發，亦有人到出發前一個月，申請假期時，方知同組有同事同樣未請假已買機票，且與自己同一日出發，而重點是，公司只會批准一人放假，簡直令人晴天霹靂。面對此情況，公司主管會如何處理呢？今次小編就整理兩個睇法！
先到先得決定 誰可放
有任職維修工作的主管表示，遇到此情況，即要看誰先入紙申請假期（先到先得）。即使兩人已經入紙，他也不會立即審批，而是希望旅行撞期的兩位同事自己「拆掂拒」，「佢哋有年假，又真係一定要俾佢哋放！如果佢兩個拆唔掂，咁就惟有睇吓邊個先入紙申請，邊個先，就放邊個！」
哪如果有人不獲批年假，也要申請事假去旅行呢？「咁一定要俾佢放，但如果團隊唔夠人做嘢，影響嘅，唔單止係公司嘅服務，仲要令返工嘅同事更加辛苦，咁自然會有返工嘅同事唔滿意，當然我都會同佢講番，佢如果請，係好影響自己份工，嚴重嘅，係預咗去完旅行無咗份工！我相信如果係成熟嘅人，唔會為咗玩，而唔理自己份工。」
以工作能力決定 誰可放
至於另一位任職零售業的主管則認為，審批假期的標準，完全不需理會誰人先入紙申請，而是按同事的工作能力或跑數能力決定。對此，小編表示懷疑，問她：「你不怕後生嘅員工，話你唔依規矩？話你專制嗎？」
零售業主管則回應：「我梗係俾個做得嘢嘅放，當係對佢一種獎勵，如果我唔俾佢放，佢嬲咗我，之後離職，咁邊個幫我跑數。另一個己經做嘢唔掂，如果做嘢掂果個走埋，咁邊個幫我跑數，到時真係我出事啦！」
安全之策 買完 機票 要揚聲
看完上述兩位主管的分享後，相信不少讀者均有自己的睇法或回應。不過，要防止上述事情發生，其實大家在買機票後，應即時與公司同事揚聲，減低出事風險。特別在一些人數少，工作量超多的工作團隊，一位同事放假，已可以對整個團隊，造成很大影響。作為部門主管，亦應定時公開向全體同事查詢放假意向，以方便自己安排工作事宜。
延伸閱讀：
求稿！
各位朋友，MoneySmart誠邀大家投稿，分享生活上的理財、投資技巧及慳錢小智慧。你的寶貴經驗將會為更多人帶來啟發，所以請盡情寫出來吧！來稿字數600字或以上，附上文章相關圖片或圖表更佳，投稿請電郵至：[email protected] 。
無論你想分享交流理財心得，還是立志成為理財KOL，毋須猶豫，馬上投稿吧！