轉工 有考慮過嗎？日本有社畜，香港有港奴，兩個名詞意思一樣，都是指為了工作折腰無底線的一眾打工仔們，成為沒有思想的動物或奴隸。到底由工薪階層跌落奴隸底層，需要怎樣的轉折呢？當塞車、腦細、豬隊友、開OT已經成為日常工作的一新分，將打工仔僅存的喘氣空間壓縮成負數，我們每隔兩秒，腦中都會閃過辭職、轉工的念頭。
根據jobsDB的《工作快樂程度調查》顯示，有高達四分之一的香港打工仔對現職工作感失望，認為辭職轉工是未來半年可令自己較快樂的唯一辦法。
腦細勁Harsh 做半年就轉工跳槽
當問及打工仔上班時，最難忍是甚麼？除了人工未如理想，最難捱的，莫過於人事。從事市場推廣的Karen說：「兩年前離開工作多年嘅崗位，投身於另一個大品牌做經理級職位，人工加咗一半，但老細勁刻薄，半夜12點都要同我Go through啲Report，做咗半年發現身體唔舒服，Check到子宮生肌瘤，請咗假做手術，手術一做完清醒Check電話，發現老細打咗十幾個電話畀我，打返畀佢，仲鬧我。話我點解唔接電話，我答佢我做緊手術，佢竟然話：『你有病唔係大晒㗎﹗個Project緊要過你條命呀！』，就係呢句令我決定立即辭職，放完病假後我就遞咗信。」
公司新人亂入 豬隊友甩漏停不了
做IT的Franky表示：「曾經做過間港資公司，老細好度縮，請勁多新人，然後叫我負責教佢哋做嘢，咁就緊係多甩漏啦﹗冇個有工作經驗，又冇個做得長，成日甩甩漏漏就搵我去善後。」近年各大公司多了中級管理層，經常要伺候老細又要湊新人，也是最受氣一層，與豬隊友交手經驗自然豐富，像任職Event管理的Macy就呻：「豬隊友跟常跟甩嘢，又唔覆客人，作為佢個Teammate真係好無奈，成日要代覆Email，最慘係要追佢攞嘢，追極都係聽日先有﹗一張簡單嘅Budget表都可以錯漏百出，整Powerpoint用白底唔係公司Template，好小事都要人哋執佢﹗」
作者簡介：jobsDB是在亞洲具有領導地位的招聘求職平台，業務遍及香港、印尼和泰國。網站每月提供超過 12 萬個職位空缺，協助求職者尋找最佳工作機會。
延伸閱讀：
求稿！
各位朋友，MoneySmart誠邀大家投稿，分享生活上的理財、投資技巧及慳錢小智慧。你的寶貴經驗將會為更多人帶來啟發，所以請盡情寫出來吧！來稿字數600字或以上，附上文章相關圖片或圖表更佳，投稿請電郵至：[email protected] 。
無論你想分享交流理財心得，還是立志成為理財KOL，毋須猶豫，馬上投稿吧！