尖沙咀 返工，糧尾想慳少少，打工仔有何選擇？今次OpenRice小編向大家推介5家尖沙咀食店，有包，有麵，有飯。有港式，有中式，有西式，重點是40蚊起，即有交易。
尖沙咀 嘉寶漢堡：性價比超高
不少人認為在香港，漢堡包價錢要過百，才叫有質素，但位於尖沙咀的嘉寶漢堡則打破這定律，提供超高性價比的高質漢堡。店內有豬、 牛、羊、雞及蝦供應，食材即使有烤布利芝士或黑松露，價錢約需HK$40至HK$50。店內薯條部分連皮，口感厚實，重點是即叫即炸！
靚靚 不一樣的車仔麵：有黑毛豬叉燒
靚靚 不一樣的車仔麵標榜全店食物不加味精，炸物油每日更換，湯頭呷兩啖都不覺口渴。店內的湯底、麵底及車仔麵餸，均不時有新菜式。當中要特別介紹的，就是黑毛豬叉燒，肉質結實蜜汁多；另外，它們的酒槽豆腐，更是坊間少見。
I Café：挑戰芝士鮮茄焗豬扒意粉
I Café的食物份量十足，Lunch set最平近HK$50，且午餐經常換款。如果是大食一族，叫一個邪惡特濃芝士鮮茄焗豬扒意粉就最好不過，芝士多，豬扒大！OL則可揀輕食的Bakery Food或沙律。價錢只是HK$30至HK$40。提提大家，店內咖啡亦有水準，Latte更有拉花！
光榮冰室：秘製醬油叉燒煎蛋飯要試
光榮冰室的快餐，價錢約HK$50，而且味道OK。其秘製醬油叉燒煎蛋飯，既有流心煎蛋，亦有大量叉燒，加上豉油撈白飯，正！另外，蔥油雞扒飯亦不錯，值得一試。
阿芳上海餛飩：洋蔥豬肉餃必食
阿芳上海餛飩專做餃子、上海小食及麵食，它們的洋蔥豬肉餃最具人氣。湯餃亦不錯，原因是湯底甜，兼有少量櫻花蝦提鮮。食量少的，可選擇輕食套餐，價錢亦較平。餃子可配麵或年糕，亦可加錢配小食，例如拍青瓜、四喜烤麩、蒜泥白肉等。另外，此店下午茶會更加抵呢！
作者簡介: OpenRice為香港最受歡迎飲食資訊媒體並已覆蓋多個亞洲地區，提供最新最全面的餐廳資料、食評及評分。配合網上訂座、餐飲券、遙距排隊及外賣速遞等多元餐飲服務，讓你輕鬆搜尋及享用地道美食及最佳餐廳！
(標題及內容經由MoneySmart編輯修改)
想知道更多理財心得及最新優惠 ，請瀏覽 blog.moneysmart.hk，及追蹤我們的Facebook Page
主頁：www.moneysmart.hk
延伸閱讀：
